Birləşmiş Krallıqda təhsil almaq tələbələr üçün çoxsaylı üstünlüklər təqdim edir və bu ölkə dünyanın ən prestijli təhsil mərkəzlərindən biri hesab olunur. İngiltərə, Şotlandiya, Uels və Şimali İrlandiyanı əhatə edən Birləşmiş Krallıqda yerləşən universitetlər yüksək təhsil standartlarına malikdir və dünyanın ən yaxşı universitet reytinqlərində daim üst sıralarda yer alır. Burada təhsil almaq tələbələrə beynəlxalq səviyyədə tanınan diplomlar təqdim edir ki, bu da qlobal əmək bazarında daha çox iş imkanları yaradır. Tədris prosesinin praktik və innovativ olması, tələbələrin nəzəri biliklərini real həyatda tətbiq etməsinə imkan yaradır və onları müasir əmək bazarının tələblərinə uyğun hazırlayır. Birləşmiş Krallıqda təhsil müddətinin əksər proqramlar üçün qısa olması – bakalavr pilləsində 3 il, magistr pilləsində isə 1 il – həm vaxt, həm də maliyyə baxımından daha səmərəli təhsil almağa şərait yaradır. Bununla yanaşı, tələbələrə təqdim olunan müxtəlif təqaüdlər və iş imkanları onların maliyyə yükünü azaldır. Britaniyada təhsil almaq, eyni zamanda, tarixi və mədəni zənginliklərlə dolu bir mühitdə yaşamaq deməkdir. Tələbələr burada tarixi abidələri ziyarət edə, müxtəlif festivallarda iştirak edə və unudulmaz təcrübələr yaşaya bilərlər. Bütün bu üstünlüklər Birləşmiş Krallığı tələbələr üçün ideal təhsil mərkəzi edir.

  Bütün bu üstünlüklərinə görə İngiltərə təhsil vizası Azərbaycan tələbələri arasında ən çox müraciət edilən təhsil vizaları arasındadır. İngiltərə təhsil vizasının proses müddəti 3-4 həftə, bəzən isə daha uzun çəkə bilər. Rəsmi proses müddəti 15 iş günü sayılır, lakin pik dönəmlərdə viza prosesi daha erkən başlamaq məsləhətdir. Birləşmiş Krallıq tərəfindən təklif olunan sürətləndirilmiş vizaya baxılma xidməti mövcuddur, onun əsasında viza cavabını 5 iş günü ərzində almaq mümkündür. Bu xidmətin hazırki rüsumu 500 funt təşkil edir, və bu ödəniş viza cavabı vaxtında çıxmasa belə geri qaytarılmır.